PHAPOŠI YA GO BALA
LEFELO LA BOSETŠHABA LA BOKGOBADINGWALO
TSHEDIMOŠO KA KAKARETŠO YA BANYAKIŠIŠI
KAKARETŠO
BOINGWADIŠO BJALO KA MONYAKIŠIŠI
DIIRI TŠA PHAPOŠI YA GO BALA
KGOPELO YA DIREKOTO
DIKGOPELO TŠA BOKGOBAPUKU
KGAOLETŠO YA DIREKOTO
GO KOPOLLA DIREKOTO
MEŠOMO YE E PHETHILWEGO YEO E THEILWEGO GODIMO GA NYAKIŠIŠO KA GO MAKGOBADINGWALO A BOSETŠHABA
DIKGATIŠO TŠA BOSETŠHABA TŠE DI REKIŠWAGO
TSHEDIMOŠO KA KAKARETŠO YA BANYAKIŠIŠI
KAKARETŠO
Le amogetšwe ka botho ka mo phapošing ya go bala ya Lefelo la Bosetšhaba la Bokgobadingwalo bjalo ka banyakišiši. Badiredi ba tla le thuša ka mekgwa ka moka yeo e kgonegago le ka bokgoni bja bona.
Melawana le Dipeakanyo tše di latelago di a dirišwa:
Direkoto di swanetšwe di swarwe ka tlhokomelo.
Go fiwa ga direkoto go tšwa go phapoši yeo e tiilego go ka diega go ya ka palo ya banyakišiši bao ba etelago Phapoši ya go Bala.
O ka se sware lepokisana la go feta le tee, puku goba faele ka nako e tee mo tafoleng ya gago. Tafola yeo e swailwego "Tafola ya Letšatši" e gona go mašalela ka moka a direkoto.
Ga wa dumelelwa go bea rekoto efe goba efe mo fase lebatong.
Molawana woo o bolelago gore direkoto di beelwa diiri tše 24 fela, o tla swanelwa ke go obamelwa ka tlhoko.
Khopi ya thesisi/kgatišo ya gago yeo o dirilego nyakišišo ka yona go Bokgobadingwalo bja Bosetšhaba e swanetšwe e neelwe go Bokgobadingwalo bja Bosetšhababa. (Go hwetša dintlha bona temana 8 ka mo fase).
BONGWADIŠO BJALO KA MONYAKIŠIŠI
Go amogelwa fela banyakišiši bao ba ingwadišitšego ka phapošing ya go bala. Gore o ingwadiše bjalo ka monyakišiši, o swanelwa ke go dira kgopelo ka bowena go Hlogo ya Lefelo la Bosetšhaba la Bokgobadingwalo, goba moemedi wa gagwe, gore o hwetše karata ya kamogelo. Nako ya karata ya kamogelo e fela ka 31 Matšhe ngwaga wo mongwe le wo mongwe gomme e swanetšwe e mpshafatšwe ge e ba monyakišiši o sa rata go tšwela pele ka go diriša Phapoši ya go Bala. Karata ye e swanetše e tšweletšwe nako le nako ge o tsena ka moagong.
DINAKO TŠA PHAPOŠI YA GO BALA
Dinako tša phapoši ya go bala ke tše di latelago:
Mošupologo go fihla ka Labohlano 08:00 – 16:00
Mokibelo wo mongwe le wo mongwe wa mathomo le wa boraro mo kgweding 09:00 – 13: 00
Ga go direkoto tše di ka kgopelwago magareng ga 10:00 le 10:15 le magareng ga 13:15, goba ka morago ga 15:00.
KGOPELO YA DIREKOTO
Mo ketelong ye nngwe le ye nngwe go phapoši ya go bala, banyakišiši ba swanetše go saena retšistara ya banyakišiši. Pego ya go latela melao le melawana ya Phapoši ya go Bala, e saenwa ka ketelo ya mathomo.
Direkoto di kgopelwa ka diforomo tše kgethegilego tša go gatišwa tšeo monyakišiši a swanetšego gore a di tlatše gomme a di fe mohlankedi wa Phapoši ya go Bala. Ga go mabaka ao a hlolago gore direkoto di tlošwe ka diphapošing tše di tiilego mo nakong ya magare ga 10:00 le 10:15 goba 12:15 le 13:15 goba ka morago ga 15:00. O kgopelwa gore o romele dikgopelo tša gago ka nako.
Dithuši tša go fapana di kabong ya banyakišiši gore ba kgone go hwetša direkoto, goba dihlopha tša direkoto, tšeo ba di hlokago, ke go re:
Lenaneo la Archivalia: Le akaretša lenaneo la direkoto ka moka tšeo di hlaotšwego le tšeo di sa hlaolwago lefelong leo le itšego la bokgobadingwalo. Lenaneo le le go thuša gore o netefatše gore ke methopo efe yeo e lego gona le go lekola ge eba o badile dilo ka moka tšeo di lebanego le hlogo ya nyakišišo ya gago.
Lenaneo: Lenaneo ke tlhahlo ya mehuta ya direkoto go sehlopha sa maleba sa bokgobadingwalo, gomme e se go go direkoto tše di itšego goba dithuto. Ka fao go bohlokwa gore matseno a mananeo a balwe ka šedi.
Ditlhahlo: Matseno go tirišo ya ditlhahlo go ya go direkoto tšeo e sego tša setšhaba, dimaekrofilimi le dikhopi di ihlaloša ka botšona.
Theminale ya khomphuthara: Ditšhupetšo tša direkoto (kudukudu difaele tša baingwadiši) tšeo di šetšego di dirilwe ka khomphuthara, di ka hwetšwa ka go diriša theminale ya khomphuthara yeo e lego gona ka Phapošing ya go Bala. Tlhahlo ya go diriša theminale e gona gomme bahlankedi ba Phapoši ya go Bala ba ka botšišwa malebana le se.
Mananeo a khomphuthara: Mananeo a bokgobadingwalo ka moka ao a dirilwego ka khomphuthara a gona gomme a ka lebelelwa.
Badiredi ba ka se lekole direkoto tše itšego; ba ka kgona fela go fa tšhupetšo ya methopo yeo e kgonegago.
Titelo yeo e sa nyakegego ya go romela direkoto, direkoto tšeo di begwago gore di timetše, gape le mathata a mangwe ao a lebanego le neelo ya direkoto go Phapoši ya go Bala, di swanetšwe di begwe go Hlogo ya lefelo la Bokgobadingwalo goba moemedi wa gagwe.
Malebana le kgopelo le tshwaro ya direkoto, banyakišiši ba romelwa go Melawana ya Bokgobadingwalo ya Janaware 1997. Mo mabakeng a dibolumo tšeo di na go le direkoto tše di se go tša kgomarela, banyakišiši ba swanetše ba ele tlhoko gore tatelano ya direkoto ga e ferehlwe.
DIKGOPELO TŠA BOKGOBAPUKU
Ke fela diphatlalatšo tšeo di lego goba ka bokgobapukung bja Lefelo la Bokgobadingwalo tšeo di tla dirišago ke banyakišiši. Dikgopelo tša kadimišo ya ka gare ga bokgobapuku di ka se beakanywe.
Banyakišiši ba romelwa makgobengpuku gore ba kgone go hwetša methopo yeo e gatišitšwego la bobedi.
DIKGAOLETŠO GO DIREKOTO
Makgobadingwalo ka moka ao a swantšhitšwego a hweditšwego go tšwa go Kantoro ya Setšhaba sa Brithane ya Direkoto (dikhopi, dimaekrofilimi, diswantšho le mebepe), a na le kgaoletšo ya go kopollwa yeo e beilwego ke Kantoro ya Bosetšhaba ya Rekoto. Ka boripana tše ka moka ke gore, materiale o ka dirišwa bjalo ka methopo, dikhopi tša fiwa banyakišiši, eupša ga go kgatišo ya rekoto goba seripa sa yona seo se tla phethwago ntle le go hwetša tumelelo ya go ngwalwa ya Moswari wa Kantoro ya Bosetšhaba ya Rekoto. Monyakišiši o hlokega gore a hwetše tumelelo ye ka kwano ya gagwe gomme a e iše go Mokgobadingwalo wa Bosetšhaba. Aterese ke ye e latelago: Moswari, Kantoro ya Bosetšhaba ya Rekoto, Chancery Lane London WC2A ILR, England, gomme a e bege go Mokgobadingwalo wa Bosetšhaba.
Makgobadingwalo a mantši a mošwamawatle ao a swantšhitšwego le direkoto tšeo e se go tša bosetšhaba a a kgaoletšwa, gomme banyakišiši ba kgopelwa gore ba netefatše dikgaoletšo tše.
Dikgaoletšo go direkoto tše dingwe tšeo e se go tša bosetšhaba di laetšwa ka go Tlhahlo go Direkoto tšeo e se go tša Bosetšhaba.
Banyakišiši ba ka dira kgopelo ka go ngwalela Mokgobadingwalo wa Bosetšhaba gore ba hwetše tumelelo ya go lebelela direkoto tšeo di lego ka go nako yeo e fetilego gomme di tswaleletšwe (ka fase ga mengwaga ye 20). Kgopelo yeo e tlantšwego, e nago le dinyakwa tše di latelago, e swanetšwe e romelwe:
Direkoto tše di nepilego tše di hlokegago, go ra gore nomoro, tlhalošišo le nako ya faele.
Thuto le nako yeo e akareditšwego gape le tebo ya nyakišišo.
Keletšo ya molekodi wa bona wa nyakišišo.
Makgobadingwalo ao a sa beakanywago (go ra gore Makgobadingwalo ao a senago mananeo goba dithuši tša go hwetša tšeo di swanago), direkoto tšeo di lego mo maemong a go bofologa gomme a le mo tseleng ya go bofša, ga tša dumelelwa go balwa. Mo mabakeng a makgobadingwalo ao a se go a beakanywa, dipeakanyo tša go bala direkoto tše bjalo di ka dirwa ka go ikopanya le Hlogo ya Lefelo.
GO KOPOLLA DIREKOTO
Ge o feditše go laetša dikhopi tšeo o di nyakago, o swanetše o tlatše foromo ya go otara gomme o e fe mohlankedi wa Phapoši ya go Bala, yoo a tlago go go fa lenanetheko, leo le swanetšwego le lefše, e kaba ka tšhelete goba ka tšheke go Boingwadišo bja Bokgobadingwalo.
O tla rwala maikarabelo a ditefelo tša poso.
Ditefelo di swanetšwe di dirwe magareng ga 09:00 le 15:00.
Dikhopi tša gago di tla dirwa gomme wa tla wa di tšea goba tša romelwa go wena ka poso mo nakong ya go se fete beke e tee.
Ga go dipuku tša mangwalo goba maruo (1873 – 1960) tšeo di ka dirwago dikhopi.
Badiredi ba Phapoši ya go Bala ba na le tokelo ya go ganetša dikgopelo tša go kopolla direkoto tšeo di senyegilego.
Ga go direkoto tšeo di ka ntšhwago ka gare ga faele go dirišetšwa go kopollwa..
MEŠOMO YEO E PHETHILWEGO YEO E THEILWEGO GODIMO GA NYAKIŠIŠO KA GO MAKGOBADINGWALO A BOSETŠHABA
Mo phethong goba kgatišong ya mošomo, go lebeletšwe gore monyakišiši ka go latela Molao 5 (d) wa Molao wa Bosetšhaba wa Makgobadingwalo a Afrika Borwa, 1996 (molao wa 43 wa 1996), a fane ka khopi ya mahala go lefelo la makgobadingwalo moo nyakišišo e dirilwego gona. Mo lebakeng leo nyakišišo e dirilwego mo mafelong a makgobadingwalo a go feta le tee, khopi ya mošomo wo o phethilwego e swanetšwe e fiwe kantoro ya Bosetšhaba ya Mokgobadingwalo, moo mošomo o tla bewago ka go tlhokomelo ya le tee la mafelo a maleba a makgobadingwalo.
DIKGATIŠO TŠA TIRELO YA BOSETŠHABA YA MAKGOBADINGWALO TŠEO DI REKIŠWAGO
Dikgatišo tše itšego di a rekišwa. Lenaneotheko le le feleletšego le hwetšwa go bahlankedi ba Phapoši ya go Bala.
